قصيده للشاعر الهلالي
: سليمــأن الشدوي
ان قاله الله / نجيب الفوز من جِدّه
...................................ماهمنا الاتحاد /ولاجماهيره
ونعم بالاتي/ لكن هلالنا ضده
............................يقّـِصّ ريشه /ولو وقف معه غيره
واليا التقى/ نِد يتبارى مع نِدّه
...................................حنا هل الاوله /والهقوه كبيره
رجالنا يالبواسل/ عدوا العِدّه
.................................الفوز مايحتمل ذا الليل/ تاخيره
كونوا مثل ماعرفناكم على الشِدّه
...............................الفوز خيره/ ولاشي بعدها خيره
محدٍ يوصي الصقر/ في لحظة الهدّه
............................ولاحدِ يوصي الكريم/ على مساييره
هلالنا يوقف المغرور/ ويردّه
................................ويكسّر الراس لامن حان تكسيره
خمسين عامً/ يجيب الفوز ويعِدّه
...................................كل المغاوير/ ترهب من مغاويره
خمسين /نمشي مع الابداع ونمِدّه
....................................وهلالنا فارسً /ماخاب تقديره
ياهلال ياساكنً بقلوب ممتدّه
..............................الحب يصعب على الاحباب/ تغييره
يانادي ً سيرة الامجاد/ في مجدّه
...................................سيره/ ابد ماعرفنا/ مثلها سيره
ياكم وياكم /عزفت الحان منفرْدّه
...................................وابداع /مايقدر الفنان/ تصويره
واليوم يابهجة الفايز/ وياسعدّه
..........................................لعلها للهلالي/ خيرة الخيره
واللي يشجع هلال المجد/ ويودّه
......................................يحضر يساند/ ولايقبل بتاخيره
هلل وردد معانا /يابحر جِدّه
.................................الموج الازرق حضر/ويا جماهيره
هلل وردد معانا /يابحر جِدّه
..................................الموج الازرق حضر/ويا جماهيره
م ن ق ـــــول
__________________
الرئيسية 
